جـــريدة الوطـــن الإلكترونية

	الجمعة 24/09/1431 هـ الموافق 03/09/2010 م الساعة 05:11

	توقيت الصلاة شروق 5:26

أمن ومحاكم

A A A A A

كانت في طريقها إلى إيران

إحباط تهريب شحنة تموينية عبر ميناء الدوحة

2010/04/28

08:51 م

شكرا لتصويت

التقيم

التقيم الحالي 5/0

المواد المهربة (Alwatan)

كتب عبدالله النجار:

تمكن رجال جمارك الدوحة من إحباط تهريب شحنة تموينية كانت متوجهة الى ايران عن طريق أحد اللنشات.
وتفاصيل هذه الواقعة بدأت بورود معلومات الى رئيس فريق الجوالة في ميناء الدوحة محمد الدوسري عن قرب وصول شحنة تموينية مدعومة من الحكومة ليتم تهريبها الى ايران، فأبلغ مراقب الجمارك الفيلكاوي الذي بدوره قام بالتنسيق مع رئيس التفتيش عبداللطيف الساعي وبعدها وصل هاف لوري على متنه ثلاثة ايرانيين وقبل توجيه شحنته الى اللنش تم ايقافه وخلال التفتيش عثر على 65 خيشة عيش (أرز) و110 علب من زيت دلال و86 علبة حليب حاف و16 كرتون معجون وثلاثة خياش سكر وجميعها تعود للشركة الكويتية للتموين، وبالتحقيق مع الثلاثة اعترفوا بمحاولتهم تهريب هذه الشحنة الى ايران فتمت إحالتهم مع المضبوطات الى جهات الاختصاص.

التعليقات الأخيرة

جميع التعليقات

من اين ياتى المهربون بهذه المواد التى من المفروض انها تصرف بالبطاقات التموينية..والله من وراء القصد حسام الدين حلمى \| 28/04/2010 11:21:م
ايران قاعده تبوقنا من الحين . والله يكافينا شر الياي !! والله هالبلد ماشفنا منه غير التهجم والبالوي والمصايب . وعلى وزارة الداخليه ان تتحذر من هذه الظاهره خرواش \| 28/04/2010 11:34:م
طبعا الي ساعد على تهريب هالمواد احد العاملين في الأفرع التموينيه ولا شلون تطلع كل هالكميات ؟ لاحسيب ولا رقيب والمسئول نايم وتنقص مواد واهو ولا داري ! والله صارت فولس البلد والمواطنين بيد الاجانب والغرباء مع كل أسف وهذي بمباركة من المسئولين عديمين الضمير الي كل واحد لاهي بخرابيطه وانتوا عارفينها خرواش \| 28/04/2010 11:36:م
انا بس ابى اعرف الناس ما اصابهم اذا ما يريدون التموين تبرعوا به لاخوانه فى مصر او اى دوله عربيه عن طريق الهيئة الاسلاميه ليش يبيعون هذا التموين الحكومه ماقصرت معاهم ولا دوله فى العالم مثل هذه الاسرة الكريمه حفظها الله حرام الى قاد يصير والشكر الى بو بندر عبر قناة ... الى بينت للحكومه تفتح عيونها . يوسف بن خليفة آل بن على - نشر اسليمى \| 28/04/2010 11:47:م
حلو حلو يحليلهم الباجلا والنخي قاعدين يــــــبوقون خيرات الكويت ( يا وزارة الداخليه ما هذا التقصير؟؟ ) بنت مشرف \| 29/04/2010 12:11:ص
ايران هذي صدام الثاني الله يفكنا منهم ومن شرهم ماجد كندا \| 29/04/2010 02:04:ص
كل ما اروح التموين فيه وافدين و بعضهم يسوي روحه مواطن يطلب مواد باسمي و ارفض لانه هالمواد مدعومة يعني الحكومه تبيعها لنا بسعر اقل من سعر شراءها. الى متى و المواطن يصرف بدون وعي و يسهل للوافد امور مخالفة مثل تمرير معاملات باسم مساعدة او صرف مواد تموينية ؟ ما يدري ان كل شئ وراه عصابة تستفيد من خيراتنا عبدالله \| 29/04/2010 03:36:ص
ليش تحطون كل شي على ايران والله ايران تاج راس كل العرب واحسن منا بكل شي والله يحفظج يا ايران يارب كويتي '''''' \| 29/04/2010 03:41:ص
يا اخ عبدالله شنو خيراتنا ترى الوافدين ناس عايشين معانه ولازم ياخذون الي احنا ناخذه،،، حرام نظلمهم يباااا مايصير كويتي '''''' \| 29/04/2010 03:44:ص
يا اخ عبدالله ويا اخت بنت مشرف شنو خيراتنا ترى الوافدين ناس عايشين معانه ولازم ياخذون الي احنا ناخذه،،، حرام نظلمهم يباااا مايصير كويتي '''''' \| 29/04/2010 03:48:ص
مشاء الله على الوطنيه يا اللى اسمك كويتي عاد لهذي الدرجه ولائك لايران وحبك لها ليش قاعد عيل في الديره روح على اقرب فرصه الى ايران وشوف اي وسيله تناسبك لرحلتك بو عبد الله \| 29/04/2010 04:25:ص
كلامي موجهه للشخص الي مسمي نفسه كويتي والله محد ضيعنا غيرك وغير اشكالك الي ولائهم حق ايران والي بايقين فلوس الكويت وتحولونها حق ايران ياريت تغير اسمك من كويتي الا ايراني وعينك قويه تدافع عن ايران بأسم كويتي عابر سبيل \| 29/04/2010 06:58:ص
ياكويتي اذا ايران تاج على راسك انت وامك وابوك هذس مشكلتك انت لكن تاج على روس كل العرب ؟؟ لاوالله تستريح مكانك ,, انا مو تاج راسي غير الكويت بس تكلم عن نفسك يالموكويتي رد على كويتي الإيراني \| 29/04/2010 07:00:ص
مشكلة فى التموين من زمان ومن أحد الطرق للبوق فيها ان حريم على شكل طرارات يتفقون مع أصحاب فروع التموين ان يتصدقون لها منه(جنه يعنى من حلال أبوهم) بعدين اييها راعى وانيت واتحمل فيه هالتموين اشوي اشوي..حرام والله فلوس الكويت رايحه هدر ياريت يطبقون مقولة الشيخ سعد ان كل مواطن خفير، بنت النزهه \| 29/04/2010 08:11:ص
--- من المزدوجين الايرانيين يجمعونها ويودونها لايران ---خووووووووش ولاء فالك طيب \| 29/04/2010 08:53:ص
ايه ده ؟ تمن ؟ يهربو زيت وتمن ؟ يعني ايه تمن ؟هههههه والله حالتكم صعبه ..دوله شكبرها اذا تبي تهرب برأيكم تهرب بهل الكميه البسيطه ؟ يبه هذا فعل اشخاص عاديين يتاجرون بالبضاعة شكو ايران بالموضوع .. جاسم \| 29/04/2010 10:26:ص
انا مو تاج راسي غير الكويت بس تكلم عن نفسك، هذي آخرة إزدواجية الجنسية، ناس ماتعرف وين ولائهم الحقيقي غيور \| 29/04/2010 10:42:ص
يا جما عة ترى العيب فينا هذا ما يبي العيش وهذا ما يبي الزيت وهذا وما يبي الحليب اكيد في ناس تحط فلوس وتشيل اللي احنا ما نبيه بس اللي يقهر يطلع تموينا بره الديره ومن حقه عاد !!! عبدالعزيز \| 29/04/2010 11:00:ص
ياعبدالعزيز شنو العيب فينا لاتجمع رجاءا وتكلم عن نفسك اذا انت ماتبي العيش وتبيعه على الكاشير او تعطيه حق وافد هذا شأنك وحاسب نفسك قبل لاتحاسب خلق الله فعلا كل من يرى الناس بعين طبعه.احنا اذا مابغينا الشي خلاص اخليه حق غيري احوج مني مو ابيعه واخرتها اتشكى اشهالتناقض . ولي ولائهم لايران اهم السبب :) خرواش .. رد على عبدالعزيز \| 29/04/2010 12:57:م
الهلال الأحمر الكويتي مو مقصر فيهم ،، طالعوا البدون اللي عليهم بالحسرة . بس مال البخيل ياكله العيار . حليب الأطفال ب2.500 ومعاش البدون 150 شلون يعيش ماادري ؟ الله يعينه بدون بلا عمل \| 29/04/2010 01:01:م